Christian News

അമേരിക്കന്‍ മലയാളികള്‍ക്ക് അഭിമാനിക്കാന്‍ വക

ന്യൂയോര്‍ക്ക്:ന്യൂജഴ്‌സി റോബര്‍ട്ട് വുഡ് ജോണ്‍സണ്‍ ആശുപത്രിയില്‍ നടന്ന വൃക്ക മാറ്റിവയ്ക്കല്‍ ചരിത്രമായി. ബന്ധുവല്ലാത്ത ഒരാള്‍ക്ക് ഇന്ത്യന്‍ വംശജ വൃക്ക നല്‍കി. ത്യാഗം കാട്ടിയത് മലയാളി യുവതി ആണെന്നത് അമേരിക്കയിലെ മുഴുവന്‍ മലയാളികള്‍ക്കും അഭിമാനംമായി. രേഖാ നായര്‍ എന്ന 33 വയസുകാരിയാണ് വൃക്ക ദാനത്തിലൂടെ അമേരിക്കന്‍ മലയാളികള്‍ക്ക് അഭിമാനംമായത്. ദീപ്തിയാണ് രേഖയുടെ വൃക്കയിലൂടെ ജീവിതിത്തിലേക്ക് തിരിച്ചെത്തുക.ഭര്‍ത്താവ് നിഷാന്ത് നായരുടേയും കുടുംബാംഗങ്ങളുടേയും പൂര്‍ണ സമ്മതം വാങ്ങി രേഖ വൃക്കദാനം നടത്തി. ഏഴ് വയസുകാരി ദേവുവും മൂന്നു വയസുകാരന്‍ സൂര്യയുമാണ് രേഖയുടെ മക്കള്‍.
ജോണ്‍സണ്‍ ആന്റ് ജോണ്‍സണ്‍ കമ്പനിയിലെ ഉദ്യോഗസ്ഥയാണ് കിഡ്‌നി സ്വീകരിച്ച ദീപ്തി. ഭര്‍ത്താവ് സത്യന്‍ ഐ ടി ഉദ്യോഗസ്ഥനാണ്. ഒന്‍പതു വയസുകാരി റിയ ഏകമകള്‍. രേഖയുടെ ആത്മവിശ്വാസം അതിശയിപ്പിച്ചതായി ശസ്ത്രക്രിയയ്ക്ക് നേതൃത്വം നല്‍കിയ ഡോ. ജന്നിഫര്‍ മാധ്യമങ്ങളോട് പറഞ്ഞു. വൃക്കമാറ്റിവയ്ക്കല്‍ പൂര്‍ണ വിജയമായിരുന്നുവെന്നും ഡോക്ടര്‍ പറഞ്ഞു.

Leave a Reply

Your email address will not be published. Required fields are marked *